تنطلق فعاليات خليجي 18 عقب باجر
سبحان مغير الأحوال كنا أسياد كاس الخليج الحين حاجزين لنا المركز الأخير و بلا منافس
عنوان في الوطن : الأزرق خارج الترشيحات والأفضلية لأصحاب الضيافة والأبطال
خارج التصفيات و حاجزين المركز الأخير بعد اليمن ليش نروح ؟ نعتذر حفاظا على ما تبقى من ماء الوجه و تاريخنا اللي كان مشرف
اللي ضحكني و حرق مرارتي توقعات العنبري بأن الكاس لنا
ايييييييه يبا ليلحين عايش باحلامك و عصرك
ليش وصل مستوانا الى هذا الحد؟ من المسئول؟ و من المستفيد؟
قضيه أخرى تثير إشمئزازي في كاس الخليج هي قضية التجنيس , الهدف الأساسي من وراء اقامة هذي الدورات الرياضيه الخليجيه هي التقريب بين الشباب الخليجي و اثارة روح المنافسه و الأخوة بينهم
أي شباب خليجي إذا كان المسمى خليجي و اللعب أفريقي ؟
طبعا سيدة التجنيس و بدون منافس هذي دولة قطر , و هذا تصريح لرئيس إتحاد قطر
" اما رئيس اتحاد الكرة القطري الشيخ حمد بن خليفة آل ثاني فاعرب عن امله في ان يتأني منتقدو قطر بهذا الشأن وقال ان قطر ليست الوحيدة التي سارت على هذا النهج فهناك البحرين وكذلك الامارات.واضاف اتمنى من الجميع التأني لأنه سيأتي يوم ويقومون بنفس الخطوة واعتقد ان الرسالة هنا واضحة ولذا دعونا نستفيد من التجنيس.واكد بن خليفة ان سابستيان سوريا لم يحصل على أي مبلغ مالي مقابل تجنيسهه وان قطر ماضية في التجنيس حتى تحقيق امالها بالوصول الى المصاف العالمية. "
أي إستفاده تلك اللتي تستفيدها دول الخليج بالوصول للعالميه بالمال و الشيك ؟ تكذب على نفسها أم على العالم؟
لندقق في وجودة لاعبي منتخب قطر , لا تفرق بينهم و بين لاعبي منتخب جنوب افريقيا !
و بقيه دول الخليج تسير علة نفس النهج
و هذا الكاس يلمع و العيون تدمع
فعلا العيون تدمع على ما وصلنا اليه
قلنا كبوة حصان
لكن الظاهر الحصان انتقل الى رحمة الله تعالى قبل النهوض
14 comments:
Barradt chabdy 3ala hal post, walah gumna nisti7y laman y6arron kas el5aleej. allah yaster.
Nitmanna min elmas2oleen yes7on shway o y5allon shwaya min elmeezaniah lil hai2ah.
هالسنه و انا مسافره
كنت قاعد اشتري تي شيرتاات
ايسي ميلان و غيرهم من الانديه
و لفت نظري بروشورات منتخب السعوديه !!
استغربت بصراحه
من باجر
لقيت سعوديات للابسين
كابات منتخبهم
جان يقولي اخوي
يحقلهم يلبسون
ما اهم يوصلون
في النهايه يصلون
و من يضحك اخيرا يضحك كثيرا
احنا خلاص عفا علينا الدهر
و اكل و شرب و خلص
و بالنسبه لاعتراضك
على جونجا نونقا
و ربعهم
والله انا خايفه على عيالنا منهم
مساكين ااخاف على السبايكي
و الا هالعضلتين الي رازينهم
بعدين اذا منتخبنا تعور
من وين انييب لاعبين يترسوون لنا الهاي فايف صوورهم
و بطولاتهم
ادعوا من كل قلبي
ان الله يحفظ بربسنا
عفوا منتخبنا
:)
ورد غلط مطبعي
بروشورات = باجات
مضف
u know .. ma afham bil kora wil sheghel il fanni and those stuff ..
but
تذكر حجينا في خليجي 15 مادري 16؟
قارن
الله كريم
مادري انا يمكن انكره بعد هالكومنت
انا مو متابعين الكورة وايد ولكن كنت زمان القادسية وبس
والمنتخب من زمان فاقدة الامل فييه
صراحة ايفشلوون
وصلنل مرحلة اني احسهم مايلعبون بس جذي يراوغون
جنه احد دافع لهم يخسرون
ولعبهم لعب استهبال ايحر
وانا دوما اشجع المنتخب السعودي
منتخب المملكة الغالية
هني اللعب
بغض النظر عن اولوياتهم واسبابهم
بس يبردون الجبد عالاقل اتحسهم يلعبون
واذا يت عاللعب فاللعب خارج نطاق الدول العربية اهوا اللعب والفهلوة والحركات
انتو بتسمو ده لعب؟؟!!
بسنا فشيلة اذا البحرين قامت تغلبنا
وش ذا البلا
اسملله على مرارتك
مايسوى الموضوع ابدا
يعطيك العافية
ولا تحر قلبك
أنا أقول لا نسبق الأحداث
يمكن تمشي الصدفة مع منتخبنا
ويبتسم الحظ ابتسامة عريضة
ملئ شدقيه
ونفوز بالكأس
ونقطة ثانية
الحمدلله
الكويت حققت انجازات تاريخية
والفضل لعيال بطنها
اللي شربوا من لبنها
كل المعاني الأصيلة
وما اعتمدوا على التجنيس
إلا لأشخاص قليلين
ينعدون على أصابع اليد الواحدة
وهم هالأشخاص يعتبرون من عيال الكويت
اللي خدموها باخلاص
وتحياتي
أحلا شي إن الريل صااااد عني هاليومين
هذا أحلا شي بالموضوع
ههههههههه
مجابله البلوقات وناسه
قاعدة أعيد أمجاد الكومنتات
طرى علي فهد الاحمد الله يرحمه كان يقول حق لقطريين تاخذون الكاس لا صارت الكره مربعه
اشوه انه توفى شهيد ما توفى قهر ....بالذبحه الصدريه
loura
و هذا اهم فشلونا في اول مطب
lawyer
لا تيبين لي طاريهم هذول بعد
و راااحت علينا وش نقول؟
cr8via
الوضع مختلف مختلف
كان في بصيص امل
الحين انسدت الدرشة بحديد
albandry
لاتعليق!
sologa-bologa
عشم ابليس في الجنة :)
و صحيح في يوم من الايام كان عندنا عيال كفو يابوها و شرفونا
بس الحين و يا على قولة لوير اهل السبايكي وينهم وينها
davinci
ترا الرياضة و الرفاهيه المباحه مطلوبه ياخوك
ما ينفع جد جد جد
reeeema
مادري شلون قالبه الآر!
يقولج مصائب قوم عند قوم فوائد
3ateeja
ايييه الله يرحمه يبا خلاص راحت علينا
اللي يبط الجبد على شينهم قواة عينهم .. الأغاني تارسه الراديو منها من يطب في بحره يغرق و الثانية ياكم الذيب ياكم .... و الله طرطره
عيب عليكم فشلتوا الاتحاد قبل لا تفشلون عمركم ...
انتو بس شيلوا هالاغاني جان احنا بخير !!!ا
المفروض اني علقت يمكن امنسح تعليقي ..
مالي بالكره ..
لكن فعلا العيون تدمع ..
كانت كبوة حصان ..
اتمنى تكون صحوة الرجل المريض ..
flana
خلاص انقمتوا
وباجر بيشيلون قشهم و يردون لنا
و الفال لاستقاله الاتحاد
afya
تعليقج كان على هالبوست بس في البوست الثاني :)
الا الحصان قاعد يموت خلاص
Post a Comment